هناء 88
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
هناء 88

منتدى اسلامي


خرج ابن ادم من العدم(صلاح جاهين)

2 مشترك

هناء 88 :: الأدب و الشعر

اذهب الى الأسفل

خرج ابن ادم من العدم(صلاح جاهين) Empty خرج ابن ادم من العدم(صلاح جاهين)

مُساهمة من طرف lightmoon الأحد نوفمبر 25, 2007 9:46 pm

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
lightmoon
lightmoon
junior member
junior member

عدد الرسائل : 27
تاريخ التسجيل : 15/11/2007

الرجوع الى أعلى الصفحة اذهب الى الأسفل

خرج ابن ادم من العدم(صلاح جاهين) Empty رد: خرج ابن ادم من العدم(صلاح جاهين)

مُساهمة من طرف monamooo الأربعاء نوفمبر 28, 2007 1:24 pm

جزاكى الله خيرا وجعلة فى موازين حسناتك بإذن الله
لايت مون
monamooo
monamooo
عضو مميز
عضو مميز

عدد الرسائل : 181
تاريخ التسجيل : 06/11/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

هناء 88 :: الأدب و الشعر

 
صلاحيات هذا المنتدى:
لاتستطيع الرد على المواضيع في هذا المنتدى